Alban Avdulla, avokat për teknologjinë ka komentuar “Tokyo Tiranën”, spikeren virtuale që erdhi si risi në Euronews Albania, hera e parë në televizionet shqiptare.
Në një intervistë për Euronews Albania, ai theksoi se “Tokyo” mund të lexojë transmetimin e lajmeve, por sipas tij nuk mund ta zevëndësojë një spikere reale.
Më tej ai nënvizoi se rreziku i Inteligjencës Artificiale, janë cenimi i privatësisë dhe zëvendësimi i marrëdhënieve sociale tek njëri-tjetri.
“Tokyo mund ta lexojë transpetimin e lajmeve sepse Inteligjenca Artificiale është e aftë të lexojë, është e aftë të shkruajë dhe të transmetojë, por ama nuk mund të realizojë emocionet, reagimet ndaj të ftuarve. Shtetet kanë krijuar një organizatë që është organizata globale për Inteligjencën Artificiale, ku të gjitha shtetet po diskutojnë rreziqet që mund të sjellë kjo inteligjencë. BE e shikon më shumë qasjen e mbrojtjes së të drejtave të njeriut por ka shtete si Amerika që shikojnë pjesën e inovacionit. Rreziqet janë, cenimi i privatësisë, Inteligjenca mund të zëvendësojë marrëdhëniet sociale që njerëzit kanë me njëri-tjetrin. Ka sisteme që e bëjnë këtë.”-tha ai.
Albanian 
English